الكهرباء والغاز
نوفر عليك مصاري وتعب ونبقى معك من البداية حتى النهاية
أحصل الآن على التعرفة المناسبة
ما نقوم به
مقارنة أسعار الكهرباء مع شركة الخطيب للحلول – نظرة عامة أكثر. تحكم أكبر. توفير أكبر.
نحن نتولى موضوع الكهرباء والغاز عنك من بدايته حتى نهايته،
ونبقى متابعين معك خطوة بخطوة باللغة العربية.
سواء كنت:
• داخل على بيت أو محل تجاري جديد
• أو عندك عقود حالية وبدك عروض أرخص لتوفّر تكاليفك
التسجيل عند الانتقال إلى شقة أو محل تجاري جديد
نُولي أهمية قصوى للشفافية الكاملة. نعرض جميع تفاصيل التعريفات ذات الصلة بوضوح، مما يتيح لك مقارنة العروض بموضوعية. لا وعود مضللة، بل حقائق قابلة للتحقق فقط.
لماذا تختارنا؟
خبرة سنوات في مجال الكهرباء والغاز
نقدملك نصيحة مبنية على خبرة سنوات في السوق الألماني.
نساعدك تختار أفضل عرض من حيث:
• السعر
• مصداقية الشركة
• خدمة العملاء
ونتابع معك من البداية حتى النهاية.
أي إيميل أو رسالة توصلك من الشركة:
نترجملك إياها ونشرحلك كل التفاصيل.
ونفحص فواتيرك، وإذا كان في خطأ:
نقدّم طلب تصحيح ونحصّلك حقك.
التبديل آمن 100٪
ما في داعي تقلق بموضوع انقطاع الكهرباء أو الغاز.
التبديل بين الشركات آمن 100٪ وبدون أي انقطاع،
لأن الشبكة نفسها، واللي بيتغير فقط هو مزود الخدمة.
خدمة إلغاء عقدك الحالي
ما في داعي تفكر بموضوع فصل عقدك الحالي.
نحن نتولى عملية الإلغاء والتنسيق مع الشركة الحالية بأسرع وقت ممكن.
ضمان السعر
جميع عروضنا تشمل ضمان سعر من بداية العقد حتى نهايته (حسب تفاصيل العرض).
الدفع الشهري (Abschlag)
الدفعة الشهرية هي مبلغ تدفعه شهريًا حسب استهلاكك المتوقع.
فيك تختار المبلغ اللي بدك تدفعه شهريًا،
وإذا ما بتعرف كم لازم تدفع، نحن منساعدك نحدد المبلغ المناسب بناءً على استهلاكك السابق،
حتى تتجنب:
• دفع مبلغ قليل ويطلع عليك فرق كبير بالجرد السنوي
• أو دفع مبلغ كبير بدون داعي
بعد سنة من بداية العقد، تقوم الشركة بعمل جرد سنوي (Jahresabrechnung)،
ويتم مقارنة:
• المبلغ المدفوع خلال السنة
• مع الاستهلاك الفعلي
إذا دفعت أكثر → يرجعولك الفرق
إذا دفعت أقل → تدفع الفرق
خدمة الفحص الدوري للعدادات
نقدم لزبائننا ميزة الفحص الدوري لعداد الكهرباء والغاز.
ممكن تبعتلنا صورة العداد بأي وقت،
ونشوف إذا استهلاكك متناسب مع الدفعات الشهرية.
إذا كان الاستهلاك أعلى ← ننصح برفع الدفعة الشهرية
إذا أقل ← ممكن نخفض الدفعة أو نتركها ويرجع الفرق بالجرد السنوي
ننصح بفحص واحد على الأقل بعد 3 أشهر من بداية العقد،
خصوصًا عند الدخول إلى بيت جديد.
Bonus - مكافآت مالية
نوفر عروض تشمل:
• هدية فورية تُحوّل إلى حسابك البنكي
• أو خصم يُحتسب مع الجرد السنوي
بالإضافة إلى:
كل سنة في ذكرى تأسيس شركتنا، نقيم مسابقات ونقدم هدايا قيمة للفائزين.
حتى لو اسمك بالشوفا (Schufa)
حتى لو اسمك بالشوفا، فيك توفّر معنا وتختار عرض أرخص وشركة مناسبة إلك (حسب الشروط المتاحة من الشركات).
دعم عربي كامل
فريق دعم عربي متوفر دائمًا لخدمتك.
تسجيل عقد عند استلام بيت أو محل جديد
إذا استلمت بيت أو محل جديد وبدك تسجيل عقد كهرباء أو غاز:
ابعتلنا العنوان،
لأن الأسعار والشركات تختلف من منطقة لأخرى.
إذا بتعرف تقريبًا كم كيلوواط (kWh) بتحتاج سنويًا، يُفضّل تخبرنا،
حتى نختارلك العرض الأنسب لاستهلاكك.
لأنه يتوفر:
• عروض مناسبة للاستهلاك العالي
• عروض مناسبة للاستهلاك المنخفض
إذا ما بتعرف استهلاكك السنوي، ما في مشكلة.
ابعتلنا إجاباتك على الأسئلة التالية عن طريق تعبئة استمارة التواصل أسفل الصفحة أو تواصل معنا مباشرة، ونحن منقدّرلك الاستهلاك تقريبًا ومنبعتلك العرض الأفضل:
• كم مساحة البيت
• كم عدد الأشخاص في البيت
• هل الماء الساخن على الكهرباء أو لا
• هل يوجد أجهزة كهربائية تستهلك طاقة عالية
تبديل عقدك الحالي إلى شركة أخرى
إذا بدك تبدّل من شركتك الحالية:
يُفضّل توفر فاتورة الجرد السنوي (Jahresabrechnung) – Zwischenrechnung
حتى نعرف استهلاكك الحقيقي ونحسب:
• كم لازم تدفع شهريًا
• كيف تختار العرض المناسب
• حتى ما تدفع أقل من استهلاكك ويطلع عليك فرق كبير بالجرد السنوي
إذا ما بتعرف تقرأ الاستهلاك من آخر فاتورة،
كل يلي عليك تعمله هو تبعتلنا الأوراق المتوفرة من شركتك الحالية عبر استمارة التواصل أو واتساب أو اتصال مباشر،
ونحن منحللها ومنبعتلك أفضل عرض مناسب إلك.